ShQO-da eldi mekenderdiń 81 paıyzy aýyzsýmen qamtamasyz etildi

ÓSKEMEN. QazAqparat – Shyǵys Qazaqstan oblysynda eldi mekenderdiń aýyzsýmen qamtamasyz etilýi 81 paıyzdy qurap otyr, dep habarlaıdy QazAqparat.

«2015 jyly óńirimiz aýyldardy taza aýyzsýmen qamtamasyz etý boıynsha respýblıkada eń tómengilerdiń qatarynda boldy. Osy olqylyqtyń ornyn toltyrý úshin bólingen qarajattyń kólemin edáýir ulǵaıttyq. Nátıjesinde 4 jyldyń ishinde aýyldarǵa aýyzsý tartý kórsetkishi 10 esege deıin artty», - dedi Danıal Ahmetov qoǵamdyq keńes aldyndaǵy esep berýinde.

Onyń aıtýynsha, búginde eldi mekenderdiń 81%-y aýyzsýmen qamtamasyz etilgen. 2020-2021 jyldarǵa deıin bloktik-modýldik stantsııalardy ornatý jumystary 99%-ǵa deıin jetkizilmek.

«Tek san emes, sapa bolýy kerek. Sol úshin jumys sapasyn baqylaýdy barynsha kúsheıtemiz», - dedi aımaq basshysy.