ShQO-da eki qaraǵandylyqtan sıntetıkalyq esirtkiniń 800 dozasy tárkilendi

ÓSKEMEN. QazAqparat – Shyǵys Qazaqstan oblysynyń polıtseıleri «Jyldamdyq» atty esirtki zatyn tasymaldaýmen aınalysqan eki er adamdy qolǵa túsirdi, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetinshe, tártip saqshylary «Qarasora-2021» jedel-aldyn alý sharasy barysynda «Jyldamdyq» atty psıhotroptyq zatty jetkizýshilerdi ustady.

«Óskemendegi Topolınaıa roşa aýdanynda Qaraǵandy oblysynyń 25 jáne 23 jastaǵy eki turǵyny quryqtaldy. Olar tabys tabý maqsatynda qalaǵa psıhotroptyq zattardy jetkizýmen aınalysqan. Ustalǵandardan barlyǵy 800-den astam doza tárkilendi. Onyń «qara naryqtaǵy» quny – 5 mln teńgeden asady», - dedi oblystyq polıtsııa departamentiniń bastyǵy Saǵat Mádıev.

Qazirgi ýaqytta kúdiktiler qamaýǵa alynǵan.

QR QK 297-baby 3-bóligine (asa iri mólsherde esirtki zattaryn zańsyz ótkizý) sáıkes sotqa deıingi tergeý amaldary júrgizilýde.

Olar 15 jylǵa deıin bas bostandyǵynan aıyrylýy múmkin.