ShQO-da eki balyqshy bólinip ketken muzdyń ústinde qalyp qoıdy

ÓSKEMEN. QazAqparat - Búgin, 8 sáýirde Shyǵys Qazaqstan oblysynyń Samar aýdanyndaǵy Buqtyrma sý qoımasynda oqys oqıǵa boldy. Ertis ózeninde eki balyqshy bólinip, jaǵadan alystap ketken muz betinde qalyp qoıǵan. Olar qutqarýshylardan kómek surady, dep habarlaıdy QazAqparat Tótenshe jaǵdaılar mınıstrligine silteme jasap.

Oqıǵa ornyna kelip jetken TJM qyzmetkerleri 1966 jáne 1975 jyly týǵan eki adamdy qutqardy.

Qutqarýshylar ol jerge rezeńke qaıyqpen jetip, er adamdarǵa qutqarý keýdeshesin kıgizip, jaǵaǵa aman-esen jetkizdi.

Olarǵa medıtsınalyq kómek qajet bolǵan joq.

TJD qazir muz óte álsiz ekenin, táýekelge barmaı, qutqarýshylardyń aqyl-keńesine nemquraıly qaramaýdy ótinedi.

«Kóktem mezgilinde muz asa qaýipti bolady. Kez kelgen ýaqytta jarylyp jaǵadan alystap ketýi múmkin, al onyń erý protsesi muzdyń beriktigin tómendetedi. Balyqshylar erejelerdi muqııat ustanýy kerek», - deıdi Samar aýdany TJB bastyǵy Áset Seıilqumarov.