ShQO-da eki kólik soqtyǵysyp, 3 adam jan tapsyrdy

<p>ÓSKEMEN. KAZINFORM &ndash; Shyǵys Qazaqstanda oblysynda eki kólik soqtyǵysyp, 3 adam kóz jumdy.</p>

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 10 sáýirde «Óskemen-Samar» tasjolynyń 25-shaqyrymynda bolǵan. Ulan aýdany aýmaǵynda Lada Largus pen Lada Granta markaly avtokólikteri soqtyǵysty.

«Jol apaty saldarynan eki adam sol jerde til tartpaı ketken. 3 adam shuǵyl túrde aýrýhanaǵa jetkizildi. Keıin onyń biri kóz jumdy», - delingen aqparatta.

Qazirgi ýaqytta polıtseıler QR Qylmystyq Kodeksiniń 345-baby 4-bóligimen (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýynyń abaısyzda eki nemese odan da kóp adamnyń ólimine ákep soǵýy) tergeý amaldaryn júrgizýde. Tıisti saraptamalar taıyndalǵan.

Foto: ShQO Polıtsııa departamentiniń baspasóz qyzmeti