ShQO-da dúkenge maska taqpaı kirgen adamǵa aıyppul salyndy

ÓSKEMEN. QazAqparat – Shyǵys Qazaqstan oblysynyń 5 aýdanynda karantındik shekteýlerdi buzǵandar tirkeldi, dep habarlaıdy QazAqparat tilshisi.

ShQO Aqparat ortalyǵynyń málimetine súıensek, monıtorıngilik toptar Shemonaıha aýdanynda 74 nysanǵa tekserý júrgizip, ereje buzýdyń 1 faktisin anyqtady. «Araks» dúkenine maska taqpaı kirgen adamǵa aıyppul salynǵan.

«Óskemende de kún saıyn reıdter júrgizilýde. Keshe 266 nysan qamtylyp, shekteý sharalaryn buzýdyń 10 faktisi tirkeldi. Sonymen qatar buryn anyqtalǵan buzýshylyqtar boıynsha aıyppul salyndy. Máselen, dúkenderdiń birindegi satýshylar maska taqpaǵan. Aıyppuldyń jalpy mólsheri 218 775 teńgeni qurady», - delingen habarlamada.

Glýbokoe aýdanynda monıtorıngilik toptar 135 obektige 18 reıd júrgizdi. Nátıjesinde, ereje buzýdyń 4 jaǵdaıy anyqtalyp, jalpy somasy 175 020 teńge aıyppul salyndy.

Kýrchatov qalasynda 26 mekemege tekserý júrgizilip, 2 buzýshylyq tirkelgen. Altaı aýdanynda tekserilgen 139 nysanda talapqa baǵynbaǵan 1 adam boldy.