ShQO-da dıaspora ókilderi qazaq halqyna alǵysyn áleýmettik jeli arqyly aıtyp jatyr

ÓSKEMEN. QazAqparat - Shyǵys Qazaqstanda turatyn ózge ult ókilderi Alǵys aıtý kúnine oraı qazaq ultyna áleýmettik jeli arqyly alǵys jaýdyryp jatyr, dep habarlaıdy QazAqparat tilshisi.

Ótken ǵasyrdyń alǵashqy jartysynda Shyǵys Qazaqstan aýmaǵyna bir mıllıonǵa jýyq túrli ult ókilderi kúshpen kóshirilgen bolatyn. Búginde solardyń urpaqtary el aýmaǵynda baqýatty ómir súrýde. Búgingi alǵys aıtý kúnin paıdalanyp, ózge dıaspora jastary qazaq halqyna sol qıyn shaqta qoldaý kórsetkeni úshin alǵystaryn aıtyp jatyr. «Vkontakte», Facebook, Instagram jelilerinde qazaq ulty men Qazaqstan halqyna alǵys aıtqan vıdeolar birinen soń biri júktelýde.

«Ótken ǵasyrdaǵy repressııa Shyǵys Qazaqstan jerine bir mıllıon adamdy syrttan ákelipti. Sonyń arasynda meniń atalarym da bolǵan. Sol qıyn shaqta bizge kómek qolyn sozǵan qazaq halqyna alǵys aıtamyn. Men óz bolashaǵymdy Qazaqstanmen baılanystyramyn. Qazir metallýrg bolyp jumys isteımin. Mereke qutty bolsyn!» - deıdi ulty tatar Mıhaıl Baıterıakov.