ShQO-da daryndy 68 bala marapattaldy

ÓSKEMEN. QazAqparat – Shyǵys Qazaqstan oblysynda respýblıkalyq jáne halyqaralyq baıqaýlarda jeńimpaz atanǵan 68 bala marapattaldy, dep habarlaıdy QazAqparat tilshisi.

Aımaq basshysy Danıal Ahmetov oblystyń daryndy oqýshylarymen jáne kolledj stýdentterimen kezdesti. Bul 68 bala qazaqstandyq jáne halyqaralyq deńgeıdegi ártúrli olımpıadalardyń, konkýrstardyń, chempıonattardyń jeńimpazdary.

«Balalardyń ózderin qyzyqtyrǵan kóptegen taqyryptardy, atap aıtqanda, mádenıet, fızıka, matematıka, tsıfrlandyrý syndy salalardy tamasha meńgergenderine tańǵaldym. Bizdiń óskeleń urpaqtyń jetkizgen joǵary jetistikteri óńirdegi tehnıkalyq jáne kásiptik bilim berýdi damytý úshin jasap jatqan jumystarymyzdyń da nátıjesin kórsetip otyr. Qazirgi ýaqytta quzyrettilik ortalyqtary kolledjde oqyp jatqan jastarǵa is-tájirıbe jınaqtap, qajetti daǵdylardy qalyptastyrýǵa múmkindik beredi», - dedi Danıal Ahmetov.

Daryndy balalardyń árqaısysy gramotalarmen marapattaldy. Sondaı-aq 40 oqýshyǵa júz myń teńgeden, al 28 stýdentke noýtbýkter tabys etildi.

Esterińizge sala ketsek, osyǵan deıin Tótenshe jaǵdaılar mınıstri Semeıdegi erlik tanytqan jasóspirimderdi marapattaǵanyn habarlaǵan edik.