ShQO-da burynǵy shahtadan aqqan sýdan ózen lastanyp, taý jynysy opyrylǵan
ShQO mamandandyrylǵan tabıǵat qorǵaý prokýratýrasy júrgizgen tekserý barysynda burynǵy ıÝbıleıno-Snegırıhınskoe ken ornyndaǵy shahtadan sý aqqany anyqtaldy.
Sonyń saldarynan Malaıa Karagýjıha ózeni metalmen lastanyp, Glýbokoe aýdanyndaǵy Snegırıha taýy opyrylǵan.
«Buǵan „Vostoktsvetmet“ JShS kenishti joıý tehnologııasyn buzýy sebep boldy. Jalpy aýdany 15 000 sharshy metrden asatyn taý jynystary opyrylǵan. Oblystyq ekologııa departamentiniń sý synamasyn zertteýine sáıkes, ózen sýy quramynda myrysh, kadmıı, temir, marganets syndy aýyr metaldardyń shekti ruqsat etilgen kontsentratsııasynyń normatıvteri 83 myń ese asqan», — dep habarlady ShQO prokýratýrasynyń baspasóz qyzmetinen.
Anyqtalǵandaı, kenishti joıý kezinde kásiporyn jeke rekýltıvatsııa jumystaryn júrgizbegen, kenish aýmaǵy bastapqy qalpyna keltirilmegen.
«Soǵan qaramastan, ýákiletti memlekettik organdardan turatyn komıssııa ken ornyn joıýdy qabyldaý aktisine qol qoıǵan. Mamandandyrylǵan tabıǵat qorǵaý prokýratýrasy kenishti joıý boıynsha qabyldaý aktisiniń kúshin joıý týraly sotqa talap aryz berdi. Ol qanaǵattandyrylyp, joıýdy qabyldaý jónindegi komıssııa aktisi zańsyz dep tanylyp, kúshi joıyldy. Apellıatsııalyq organ sot aktisin kúshinde qaldyrdy», — delingen aqparatta.
Qazirgi ýaqytta prokýratýra «Vostoktsvetmet» JShS-in zańmen belgilengen jaýapkershilikke tartý, kenishtiń tıisti joıylýyn qamtamasyz etý jáne qorshaǵan ortanyń lastaný sebepterin joıý boıynsha sharalar qabyldaýda.