ShQO-da brakonerler bir tonnadan astam shaıan aýlaǵan

<p>Shyǵys Qazaqstan oblysynda brakonerler bir tonnadan astam shaıan aýlap, memleketke 8 mln teńgege jýyq zalal keltirdi, dep habarlaıdy <a href="Kazinform" target="_blank" rel="noopener">Kazinform</a>.</p>

Tártip saqshylary «Kúrshim-Úlken Naryn» tasjolynda «Gazel» júk kóligin toqtatqan. Tekserý barysynda kólikten jalpy salmaǵy 1241 keli bolatyn 92 qap tiri shaıan tabyldy.

«Ulan aýdanynyń 44 jastaǵy turǵyny bir tonnadan astam shaıandy qujatsyz alyp júrgen. Sotqa deıingi tergeý barysynda kólik júrgizýshisi shaıandardy buryn belgisiz adamdardan satyp alǵanyn, sodan keıin olardy kólikke tıep, satý úshin Óskemen qalasyna jolǵa shyqqanyn jetkizdi», - dep habarlady ShQO polıtsııa departamentiniń baspasóz qyzmeti.

Kúrshim aýdandyq ınspektsııasynyń málimetinshe, osynyń saldarynan memleketke keltirilgen zalal somasy – 7 712 000 teńge.

Qazirgi ýaqytta polıtseıler QR QK-niń 335-baby 1-bóligi (balyq resýrstaryn, basqa sý janýarlaryn nemese ósimdikterin zańsyz aýlaý, jınaý) boıynsha sotqa deıingi tergeý amaldaryn júrgizýde.