ShQO-da bir jylda 100-den astam adam týberkýlezge shaldyqty

<p>ÓSKEMEN. KAZINFORM &ndash; Shyǵys Qazaqstan oblysynda bir jylda 121 adam týberkýlez juqtyrdy.</p>

ShQO sanıtarlyq-epıdemıologııalyq baqylaý departamentiniń málimetine súıensek, óńirde týberkýlezge shaldyqqandar azaıǵan.

— 2024 jyly oblys boıynsha 121 adam týberkýlezben aýyrdy. Bul kórsetkish aldyńǵy jylmen salystyrǵanda 17,7%-ǵa az (147). Onyń ishinde 97-i birinshi ret aýyrǵandar bolsa, 24-i qaıtalanǵan jaǵdaılar. Al 2023 jyly týberkýlezge alǵash shaldyqqandar sany — 107, al qaıtalanǵan jaǵdaılar sany 40 bolǵan, — deıdi departament basshysynyń orynbasary Sáýle Slıamǵazına. 

Onyń aıtýynsha, týberkýlezben kúrestegi negizgi ádisterdiń biri — aýrýdy erte anyqtaý. Osy maqsatta byltyr mantý synamasy arqyly týberkýlınodıagnostıka belsendi júrgizilgen.

— Barlyǵy 36 000 bala tekserildi. Bul 2023 jylmen salystyrǵanda 8,5%-ǵa artyq. Tekserý nátıjesinde eki týberkýlezdiń erte satydaǵy jaǵdaıy jáne týberkýlınge oń nátıje bergen 132 bala anyqtaldy. Bul balalarǵa ýaqytyly em jasaldy, — deıdi S. Slıamǵazına.

Eske salsaq, osyǵan deıin dáriger is-qımylynan densaýlyqqa zaqym kelse, saqtandyrý tólemi qalaı beriletindigi jaıly jazǵan edik.