ShQO-da bıyl óndiris oryndarynda 23 jazataıym oqıǵa boldy
ShQO memlekettik eńbek ınspektsııasy basqarmasynyń málimetine súıensek, óńir boıynsha 2023 jyldyń basynan bastap óndiriste 23 jazataıym oqıǵa bolǵan. Sonyń saldarynan 1 adam kóz jumyp, 23 adam jaraqat aldy.
«Basqarma qyzmetkerleri tarapynan óndiris oryndarynda 157 tekserý júrgizilip, nátıjesinde 282 zańbuzýshylyq anyqtaldy. Onyń ishinde eńbek qatynastary boıynsha - 177, eńbek qaýipsizdigi jáne eńbekti qorǵaý boıynsha - 82. Mekeme basshylaryna 85 nusqama berilip, 62 jumys berýshige 10,1 mln teńge somasynda aıyppul salyndy», - deıdi basqarma basshysy Baqytbek Qızatov.
Búgingi tańda Shyǵys Qazaqstandaǵy 25 kásiporyn «Visionzero» nóldik jaraqattaný tujyrymdamasyna qosylǵan. 14 kásiporynda «Halyqtyq baqylaý» jobasy engizildi. Onda densaýlyq jaǵdaıy boıynsha qaýipsiz jumys júrgizýdi baqylaý jáne personaldy qaýipsiz eńbek tásilderine oqytý boıynsha jumysqa aýystyrylǵan 64 adam jumys isteıdi.