ShQO-da bıyl kámelettik jasqa tolmaǵan 11 bala ózine qol salmaq bolǵan
ShQO prokýratýrasy baspasóz qyzmetiniń málimetine súıensek, óńir boıynsha sońǵy úsh jylda 23 bala óz-ózine qol salǵan. Al sýıtsıd jasaýǵa árekettengender sany – 123 balany qurap otyr.
«Osy jyldyń basynan beri kámelettik jasqa tolmaǵan 3 bala óz ómirin ólimge qıdy. Budan bólek, sýıtsıd jasamaq bolǵan taǵy 11 bala tirkelgen. Balalardyń óz-ózine qol salýynyń sebepteri ártúrli. Atap aıtqanda, otbasyndaǵy janjal, aınalasyndaǵy adamdarmen qandaı da bir kelispeýshilikter, jaýapsyz mahabbat», - delingen aqparatta.
Prokýratýra dereginshe, kámeletke tolmaǵandar arasyndaǵy sýıtsıdtiń aldyn alý boıynsha memlekettik organdar men polıtsııanyń júrgizip jatqan jumysy sylbyr.
«Mektepterde shtattyq psıhologtar jetkiliksiz. Olardyń jumysy keı jerlerde tek formaldy sıpatta. Qoldanystaǵy dıagnostıkalyq ádister esh jetildirilmeıdi. Al tártip saqshylary tarapynan balalar men jasóspirimder arasynda sýıtsıdtik úgit-nasıhat belgileri bar saıttardy anyqtaýǵa jáne buǵaqtaýǵa tıisti mán berilmeýde», - delingen habarlamada.