ShQO-da bıyl alıment tóleýden jaltarǵan 300-den astam adam anyqtaldy
20:17, 23 Qazan 2021
ÓSKEMEN. QazAqparat – Shyǵys Qazaqstan oblysynda jyl basynan beri balasyna alıment tólemeı júrgen 300-den astam adam anyqtaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Semeı qalasyndaǵy Kóshi-qon qyzmetiniń ókilderi alıment tólemegeni úshin úsh jyl boıy izdeýde júrgen adamdy tapty.
«33 jastaǵy boryshker Nur-Sultan qalasynan tabyldy. Osy ýaqyt boıy ol zań ókilderinen jasyrynyp júrgen. 5 jyldan astam ýaqyt kámeletke tolmaǵan balasyna alıment tólemegen er adamnyń qaryzy 3 mıllıon teńgege jetti. Endi aqshany óndirip alýmen sot oryndaýshylary aınalysady», - dedi oblystyq PD Kóshi-qon qyzmeti basqarmasynyń bastyǵy Erbol Bekpaev.
Jalpy jyl basynan beri óńir boıynsha alıment tóleýden jaltaryp júrgen 300-den astam adam anyqtaldy.