ShQO-da bıyl 920 tonna pishen órtendi
ShQO Tótenshe jaǵdaılar departamenti baspasóz qyzmetiniń málimetine súıensek, shóp jınaý kezinde órt qaýipsizdigin qamtamasyz etý maqsatynda qutqarýshylar fermerlerge túsindirý júrgizip jatyr. Búgingi tańda oblys boıynsha barlyǵy 7 157 adam qamtylǵan.
«Egindik alqabyndaǵy tehnıkany tekserý kezinde órt sóndirý quraldarynyń bolýyna jáne jumysqa jaramdylyǵyna nazar aýdaryldy. TJD qyzmetkerleri aýyl sharýashylyǵy taýar óndirýshilerine jerdi jyrtý barysynda qaýipsizdik talaptaryn umytpaýdy eskertti. Jyrtylatyn jer avtokólik joldary, eldi mekender men orman alqaptary aýmaǵynan 4 metrden kem emes qashyqtyqta bolýy tıis. Sebebi kezdeısoq temeki tuqylynan nemese sirińkeden órt shyǵýy múmkin», - dep habarlady vedomstvo ókilderi.
Egin jınaýǵa qoldanylatyn aýyl sharýashylyǵy tehnıkasy da órt qaýipsizdigi erejesine sáıkes bolýy kerek.
Aıta keteıik, Shyǵys Qazaqstanda bıyl órt qaýipsizdigi talaptary saqtalmaýy saldarynan 920 tonnadan astam pishen órtengen.