ShQO-da bıyl 46 aýyldyń bas jospary jasalady

ÓSKEMEN. QazAqparat – Shyǵys Qazaqstan oblysynda bıyl 46 aýyldyń bas jospary ázirlenbek. Bul týraly óńir ákimdiginde ótken jınalys barysynda aıtyldy, dep habarlaıdy QazAqparat tilshisi.

«Shyǵys Qazaqstan oblysynda barlyǵy alty qala, 357 aýyl bar. Bıyl 46 eldi mekenniń bas jospary ázirlenedi. Budan bólek, Shemonaıha, Serebrıansk jáne Altaı qalalary úshin bas jospar ázirleý basymdyqqa ıe. Arnaıy jol kartasy jáne odan ary qaraı áreket etý algorıtmi jasaldy», - dedi aımaq basshysy Danıal Ahmetov.

Onyń aıtýynsha, Óskemende qurylys tyǵyzdylyǵy tekserilýi qajet. Sebebi úılerdiń arasy tym jaqyn ornalassa halyqqa qolaısyzdyq týdyrady.

«ShQO memlekettik sáýlet-qurylys baqylaý basqarmasyna Óskemendegi qurylys tyǵyzdyǵyn tekserýdi tapsyrdym. Bul adamdardyń ómir súrý sapasyna teris áser etpeýi úshin mańyzdy. Qandaı da bir zańbuzýshylyqtar anyqtalsa tıisti shara qoldanylady», - dedi oblys ákimi.