ShQO-da biryńǵaı stıldegi úıler boı kóterip keledi

ÓSKEMEN. QazAqparat - Shyǵys Qazaqstanda «Nurly jer» baǵdarlamasyna 11,2 mıllıard teńge bólingen. Óńirde biryńǵaı sáýlet stılindegi turǵyn úıler joǵary qarqynmen boı kóterýde, dep habarlaıdy QazAqparat tilshisi.

Semeı qalasynda 50 jer úıdiń qurylysy bastalyp ketti. Olar shahardyń Aqsaı shaǵyn aýdanynda boı kóterýde. Qazir onda úı qurylysymen birge ınjenerlik ınfraqurylym tartý jumystary júrip jatyr. Al aýyz sý qyrkúıekke deıin jetýi tıis. Baspananyń bul túri «Turǵyn úı qurylys jınaq banki» arqyly berilmek.

Oblys ákiminiń baspasóz qyzmetiniń habarlaýynsha, Shyǵys Qazaqstan Elbasynyń Bes áleýmettik bastamasy jarııa bolǵan kezden bastap,  halyqty baspanamen qamtý josparyn 8 paıyzǵa kótergen. Eki jyl ishinde aımaqta 347 turǵyn úı salynýy tıis. Bıyldyń ózinde  jańa 3 576 páter beriledi dep kútilýde.