ShQO-da bir jylda 34,8 myń gektar jaıylymdyq jer memleketke qaıtaryldy

ÓSKEMEN. QazAqparat – Shyǵys Qazaqstan oblysyna sońǵy bir jylda 34,8 myń gektar jaıylymdyq jer memleketke qaıtaryldy, dep habarlaıdy QazAqparat tilshisi.

Aımaq basshysy Danıal Ahmetov qala jáne aýdan ákimderimen ótken jınalys barysynda jaıylymdyq jerlerdi qaıtarý máselesine toqtalyp, balalar úshin jazǵy demalysty uıymdastyrý jaıyn sóz etti.

«Óńirde paıdalanylmaı bos jatqan jerlerdi memleketke qaıtarý jumystary qarqyndy júrip jatyr. Jerdi tárkileý algorıtmi bar. Sońǵy bir jylda 34,8 myń gektar jer qaıtaryldy. Aldaǵy ýaqytta da bul baǵyttaǵy jumystar jalǵasady», - dedi ShQO ákimi.

Óz sózinde ol bilim basqarmasyna jazǵy til mektepteriniń jobasyn ázirleýdi tapsyrdy.

«Onda qalalardaǵy oqýshylar qazaq tilin, al aýyldy jerlerdegi balalar aǵylshyn jáne orys tilderin oqı alady. Sondaı-aq «Aıýda» demalys bazasyndaǵy «Alqyzyl jelkender» jazǵy lagerin maýsymǵa qaraı jóndeýdi josparlap otyrmyz», - dedi Danıal Ahmetov.

Esterińizge sala ketsek, osyǵan deıin Shyǵys Qazaqstanǵa aldaǵy jylytý maýsymynda 4 mln tonnadan astam kómir qajet ekendigin habarlaǵan edik.