ShQO-da bir jylda 204 adam óndiristik jaraqat aldy
Ótken jyly oblys kásiporyndarynda jumys barysynda 204 adam jaraqat alyp, 23 jumysshy kóz jumǵan. Bul jaıly oblystyq Aqparat ortalyǵynda ótken baspasóz máslıhatynda ShQO memlekettik eńbek ınspektsııasy basqarmasynyń basshysy Baqytbek Qızatov málim etti.
«Zardap shekkender sany boıynsha birinshi orynda taý-ken metallýrgııa ónerkásibi – 41 adam, ekinshi orynda bıýdjettik sala – 32, úshinshi orynda qurylys salasy – 24 adam. Óńir boıynsha óndiristik jaraqat alǵandar sany jaǵynan Óskemen qalasy aldyńǵy orynda tur. Onda bir jylda óndiriste 48 jazataıym oqıǵa tirkelgen», - deıdi ol.
Jaraqat alýdyń negizgi sebepteri – jumystaǵy qaýipsizdiktiń durys qamtamasyz etilmeýi jáne qyzmetkerlerdiń salǵyrttyǵy.
Esterińizge sala ketsek, osyǵan deıin Shyǵys Qazaqstanda týyp-óskenderge qosymsha aqy men 10 kún demalys qosylatyndyǵyn habarlaǵan edik.