ShQO-da bir qańǵybas ıtti atýǵa 4 myń teńge jumsalady

ÓSKEMEN. QazAqparat – Shyǵys Qazaqstan oblysynda bir qańǵybas ıtti atýǵa 4 myń teńge jumsalady, dep habarlaıdy QazAqparat tilshisi.

Bıyl óńirde qańǵybas janýarlardy aýlap, atýǵa 80 mıllıon teńge bólingen. ShQO Veterınarııa basqarmasynyń málimetine súıensek, bir janýardy atýǵa 3 770 teńge jumsalady. Osy jyly 9 myńǵa jýyq qańǵybas ıt pen mysyq aýlanǵan.

«Birneshe aı buryn «Brıdjıt Bordo» zoofondynyń ókilderimen qańǵybas janýarlarmen kúresýdiń jańa ádisterin talqyladyq. Biz ıt pen mysyqty aýlaý, chıpteý jáne zararsyzdandyrý týraly aıtylǵan oımen kelisemiz. Bul qańǵybas janýarlardyń kóbeıýine tosqaýyl qoıýǵa kómektesedi», – dedi basqarma basshysy Ramıl Saǵandyqov.

Qazirgi ýaqytta jańa zań jobasy úkimette qaralýda. Ramıl Saǵandyqovtyń aıtýynsha, zań 2022 jyldyń ortasynda kúshine enýi múmkin.