ShQO-da bıyl kómirtegi totyǵynan ýlanǵandar sany 2,5 ese artty

<p>Shyǵys Qazaqstan oblysynda jyl basynan beri kómirtegi totyǵynan ýlanǵandar sany 2 jarym esege artyp otyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

ShQO tótenshe jaǵdaılar departamenti baspasóz qyzmetiniń málimetine súıensek, oblys boıynsha bıyl 539 órt tirkelgen.

Onyń ishinde 320 oqıǵa turǵyn úı sektorynda boldy, bul — órtterdiń jalpy sanynyń 62 paıyzy.

«Ótken jylmen salystyrǵanda órt sany 18 paıyzǵa azaıǵan. Alaıda ókinishke qaraı kisi ólimi 57 paıyzǵa artyp otyr. Jyl basynan beri 22 adam qyzyl jalynnan qaza tapty. Kómirtegi totyǵynan ýlanǵandardyń sany 2,5 ese artyp, 23 adam boldy», - deıdi TJD memlekettik órt baqylaý basqarmasynyń bastyǵy Nurjan Ómirjanov.

Jylytý maýsymy bastalǵanǵa deıin qutqarýshylar halyq arasynda túsindirý jumystaryn qolǵa alyp, úılerdi kún saıyn aralap, túrli jıyndar, aktsııalar ótkizdi.

Barlyǵy 24 430 aýlany aralap shyqty.

Áleýmettik osal sanattaǵy otbasylar turatyn 3574 úıge erekshe nazar aýdaryldy.

Ol úılerde departament qyzmetkerleri 817 buzýshylyqty anyqtady.

Onyń ishinde 509-y peshke, 257-si elektr jelileri men elektr jabdyqtaryn paıdalanýǵa qatysty bolsa, 51-i basqa buzýshylyqtarǵa jatady.