ShQO-da bıyl 20-dan astam adam kómirtegi totyǵynan ýlanǵan

<p>Shyǵys Qazaqstan oblysynda jyl basynan beri 20-dan astam adam kómirtegi totyǵynan ýlanǵan, dep habarlaıdy <a href="Kazinform" target="_blank" rel="noopener">Kazinform</a>.</p>

ShQO TJD qutqarýshylary jylytý maýsymy bastalǵaly beri kómirtegi totyǵymen ýlaný qaýpi týraly halyqqa eskertip jatyr. Jazataıym oqıǵalar ádette peshinde aqaýy bar úılerde bolady.

«Osy jyldyń basynan beri óńir boıynsha kómirtegi totyǵynan tórt azamat qaza bolyp, 23 adam zardap shekti. Al jylytý maýsymy bastalǵaly jer úılerde 42 órt tirkelip, eki adam kóz jumǵan. Bıylǵy kúzden departament mamandary 68 000-nan astam turǵyn úıdi aralap, turǵyndarǵa peshtiń jaǵdaıyn ýaqtyly qadaǵalap otyrýdyń mańyzdylyǵyn egjeı-tegjeıli túsindirdi», - dep habarlady oblystyq TJD baspasóz qyzmeti.

Osy rette, halyqtyń áleýmettik turǵyda osal toptaryna erekshe nazar aýdarylǵan. Bul otbasylardyń úılerine ýly gazdy anyqtaıtyn datchıkter ornatylýda. Olar jyl saıyn jergilikti atqarýshy organdar men «Qazmyrysh» JShS qarajaty esebinen satyp alynady.

Bıyl barlyǵy 2400-ge jýyq datchık ornatylǵan. Al sońǵy 5 jyl ishinde Shyǵys Qazaqstanda jer úılerge 16 myńǵa jýyq datchık qoıyldy.