ShQO-da bazarlar aptanyń barlyq kúnderi jumys isteıtin boldy

ÓSKEMEN. QazAqparat - Shyǵys Qazaqstan oblysynda bazarlar aptanyń barlyq kúnderi jumys isteıtin boldy, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń sońǵy qaýlysyna birqatar ózgeris engizildi. Onda jazylǵandaı, endi bilim berý ortalyqtary, túrli sektsııalar men úıirmeler esh shekteýsiz jumys isteıdi. Osyǵan deıin ár topta 15 baladan asyrmaý talaby bolǵan.

- Ǵımarat ishindegi bazarlar, alańy 2000 sharshy metrden asatyn saýda obektileri aptanyń barlyq kúnderi jumys isteıdi. Dinı birlestikter obektilerinde (meshitter, shirkeýler, soborlar, sınagogalar jáne t.b.) toltyrylýyn 30%-ǵa deıin, biraq 100 adamnan asyrmaı ujymdyq ǵıbadat etýge ruqsat berildi, - delingen qujatta.

Sonymen qatar saýnalar aptasyna 7 kún ashyq bolady. Buǵan deıin saýnalar jeksenbide jumys istemegen edi.