ShQO-da balyq aýlaý kezindegi qaýipsizdik erejelerin saqtamaǵan 4 adam sýǵa batty
ShQO tótenshe jaǵdaılar departamenti baspasóz qyzmetiniń málimetine súıensek, kúz kelisimen áýesqoılar balyq aýlaýǵa jıi shyǵady. Alaıda olardyń arasynda balyq aýlaý kezindegi qaýipsizdik erejelerin saqtamaıtyndar joq emes.
Oblys sý aıdyndarynda sońǵy eki jylda balyq aýlaýdaǵy qaýipsizdik erejelerin buzǵan 4 adam batyp ketti. Osy rette, qutqarýshylar jazataıym oqıǵalardy taldap, balyqshylardyń qaza bolý sebepterin anyqtady.
«Balyqshylar kóp jaǵdaıda mas kúıde qaıyqtan qulap kóz jumyp jatady. Muz ústine shyǵyp balyq aýlamaq bolǵandar arasynda da sýǵa ketkender bar. Qaıyqpen balyq aýlaǵan kezde sýǵa qulamas úshin tepe-teńdikti ustaı bilý mańyzdy. Eger qaıyq ishinde oryn aýystyrý qajet bolsa, onda baıaý, sál búgilip qozǵalyńyz. Eger sý aıdynynda tolqyn qatty bolsa, onda basqa jerge júzip baryńyz», - deıdi oblystyq TJD jedel-qutqarý jasaǵynyń bas qutqarýshysy Andreı Veber.
Onyń aıtýynsha, qaıyqtaǵy balyqshylarda mindetti túrde qutqarý keýdeshesi bolýy tıis. Ókinishke qaraı, turǵyndar bul qarapaıym qaýipsizdik erejelerin saqtamaı jatady.