ShQO-da balyq aýlaý erejesin buzǵandarǵa 9 mln teńge aıyppul salyndy
Mınıstrliktiń ShQO boıynsha Orman sharýashylyǵy jáne janýarlar dúnıesi aýmaqtyq ınspektsııasynyń qyzmetkerleri 2020 jyldyń 7 aıynda baqylanatyn aýmaqtarda balyq qorǵaý zańnamasy normalarynyń saqtalýyn tekserý boıynsha 1 317 jedel reıd júrgizdi.
Reıdtik tekserister barysynda balyq resýrstaryn qorǵaý aıasynda 577 zań buzýshylyq anyqtaldy. Ol boıynsha 577 tulǵa jaýapkershilikke tartyldy. Onyń ishinde óreskel zań buzýshylyq jasaǵany úshin (tyıym salynǵan aýlaý quraldaryn paıdalaný, tyıym salynǵan merzimderde jáne oryndarda balyq aýlaý, tirkelmegen qaıyqtardy jáne t.b. qoldaný) 95 materıal sotqa jiberildi. 9 801 384 teńgege aıyppul salyndy, 5 415 850, 6 teńge somasyndaǵy zalaldy óndirý boıynsha talap-aryz usynyldy. Zańsyz qoldanylǵan 1 352 dana aýlaý quraly alynyp qoıyldy, onyń ishinde sıntetıkalyq mono-talshyqtan jasalǵan 924 aý, 11 qaıyq jáne ártúrli tıptegi 6 motor, 3933,7 kg zańsyz oljalanǵan balyq tárkilendi.
2020 jyldyń 7 aıynda Inspektsııanyń laýazymdy tulǵalary tabıǵat qorǵaý zańnamasyn buzý faktileri boıynsha 7 qylmystyq is qozǵady. Nátıjesinde 9 adam jaýapkershilikke tartyldy.
Quramyna múddeli organdar (prokýratýra, ІІD, JAO, Inspektsııa) kiretin jedel toptar quryldy.
Quqyq qorǵaý organdarynyń ókilderimen júrgizilgen 32 birlesken reıdtik is-shara barysynda 8 quqyqbuzýshylyq ashyldy.
ShQO sheńberindegi sý aıdyndarynda 2020 jylǵy 15 aqpannan bastap 2020 jylǵy 1 shilde aralyǵynda balyqty jáne basqa sý janýarlaryn aýlaýǵa bekitilgen lımıt 3804,973 tonnany quraıdy, onyń 3591,591 tonnasy, 94,3%-y ıgerildi.
2020 jyldyń birinshi jarty jyldyǵy boıynsha halyqaralyq jáne respýblıkalyq mańyzy bar balyq sharýashylyǵy sý aıdyndarynda 3206,4 myń teńge somaǵa 2658,0 myń dana balyq jiberildi. Jergilikti mańyzy bar balyq sharýashylyǵy sý aıdyndarynda 350,0 myń teńge somaǵa 1000,0 myń dana balyq jiberildi.
Keltirilgen zalaldy óndirip alý esebinen «Shúlbi GES» JShS 2 917 707 teńge somaǵa 132623 dana, «Óskemen GES» JShS 6 955 847 teńge somaǵa 297 730 dana, «Kaztsınk» JShS 1 773 333 teńge somaǵa 70933 dana balyq jiberý jumystaryn júrgizdi.