ShQO-da balyq aýlaýǵa shyqqan turǵyn qar qursaýynda qalǵan

<p>Shyǵys Qazaqstan oblysynda Shemonaıha aýdanynda qar qursaýynda qalǵan balyqshy qutqaryldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

ShQO Polıtsııa departamenti baspasóz qyzmetiniń málimetine súıensek, tártip saqshylaryna 1 qańtarda keshke qaraı Shemonaıha aýdanynyń turǵyny habarlasty. Ol kúıeýiniń tańerteń aýyl mańynda balyq aýlaýǵa ketkenin, sodan qaıtyp oralmaǵanyn jetkizdi.

Polıtseıler qarshanamen dereý er adamdy izdeýge shyqqan. Bir-eki saǵattan keıin balyqshy men onyń dosy tabyldy.

«Anyqtalǵandaı, azamat bul jerge qarshanamen jetken. Balyq aýlap bolǵan soń úıine qaıtýǵa bel býǵan. Alaıda qaıtarda jol bulyńǵyr bolyp, onyń qarshanasy sol jaǵymen muz astyna túsip ketken. Óziniń kúshi jetpeıtinin túsingen balyqshy jubaıyna jáne dosyna qońyraý shalǵan. Dosy kómek qolyn sozý úshin kelip jetti. Biraq ol da qar qursaýynda qalǵan. Ekeýi de aman-esen úılerine jetkizildi», - delingen aqparatta.

Osy rette, polıtsııa qyzmetkerleri oblys turǵyndary men qonaqtaryna qolaısyz aýa raıy kezinde múmkindiginshe alys jolǵa shyǵýdan bas tartýǵa shaqyrdy.