ShQO-da balalaryna 4 mln teńge alıment tólemegen er adam sottaldy
ShQO boıynsha QAJ departamenti baspasóz qyzmetiniń málimetine súıensek, er adam 2018 jyly kámeletke tolmaǵan qyzy men ulyn asyraý úshin jalaqysynyń úshten bir bóligi mólsherinde alıment tóleýge mindettelgen.
Alaıda 5 jyl boıy ol múlde alıment tólemeı keldi.
Osylaısha, sot oryndaýshysynyń talaptaryn elemegen azamat 12 jáne 15 jasar balalaryn asyraý mindetin oryndamaǵan.
Onyń alıment boıynsha qaryzy 4 mln teńgeden asty.
Er adamǵa sot aktileriniń mindetti ekeni jáne qatań túrde tolyq kólemde oryndalýy tıistigi eskertilgen.
«Qazir er adam probatsııalyq baqylaýǵa alyndy. Sot úkimimen bir jylǵa bas bostandyǵynan shekteý jazasy kesildi. Sondaı-aq aıyptalýshyǵa jumysqa ornalasý qajettigi, eger turaqty jumysy bolmasa ákimdik belgilegen mekemelerde 100 saǵatqa májbúrli eńbekke tartylatyny túsindirildi. Alıment tólenbegen jaǵdaıda ol bas bostandyǵynan aıyrylady», – deıdi Sol jaǵalaý aýdandyq probatsııa qyzmetiniń ınspektory Ulabek Jaıbek.