ShQO-da Balalar úıiniń túlegine berilýi tıis úıdi basqa bireýdiń atyna aýdaryp jibergen

<p>ÓSKEMEN. KAZINFORM &ndash; Shyǵys Qazaqstan oblysy Shemonaıha aýdanynda Balalar úıiniń túlegine berilýi tıis úıdiń basqa bireýdiń atyna aýdarylǵany anyqtaldy.</p>

ShQO prokýrorlary Balalar úıiniń túlegine ózine tıesili úıdi qaıtaryp alýyna kómektesti.

- Shemonaıha aýdanynyń prokýratýrasy áleýmettik jelide monıtorıng júrgizý barysynda Balalar úıi túleginiń quqyǵy buzylǵanyn anyqtady. Belgili bolǵandaı, ol Balalar úıinde bolǵan kezde Shemonaıha qalasynda ornalasqan turǵyn úı men jer ýchaskesi aýdan ákimdigi tarapynan zańsyz úshinshi tulǵaǵa berilgen, - delingen aqparatta.

Aýdandyq prokýratýra qyzmetkerleri Balalar úıiniń túlegine sotqa talap aryzyn daıyndaý men ony berý barysynda quqyqtyq kómek kórsetti. Osylaısha, ShQO ákimshilik ister jónindegi mamandandyrylǵan aýdanaralyq sotynyń sheshimimen onyń talap-aryzy qanaǵattandyrylyp, úı ózine qaıtaryldy.

Eske salsaq, osyǵan deıin elimizde jospardan tys tekserý barysynda 200 medıtsınalyq uıymnyń jumysynan zańsyzdyq tabylǵany habarlanǵan.