ShQO-da balalar densaýlyǵyn profılaktıkalyq tekserýge 4 mlrd teńge bólindi
«Áleýmettik medıtsınalyq saqtandyrý qory» ShQO fılıaly baspasóz qyzmetiniń málimetine súıensek, «Súıikti bala» arnaıy jobasynyń aıasynda balalarǵa kórsetiletin medıtsınalyq kómek shyǵyndary ótelýde.
«2022 jyldy QR Prezıdenti Qasym-Jomart Toqaev Balalar jyly dep jarııalady. Qazir medıtsına salasynda aýrýdyń aldyn alý asa mańyzdy. Pedıatrııalyq kómek kórsetýdi uıymdastyrý standarttaryna sáıkes, balalardyń aýrýshańdyǵynyń, múgedektiginiń jáne ólim-jitiminiń aldyn alý, tómendetý boıynsha keshendi sharalar kózdelgen. Bıyl MÁMS júıesinde skrınıngilik jáne profılaktıkalyq tekserýlerdi júrgizýge 4 mlrd teńgege jýyq qarajat bólindi», - delingen aqparatta.
Onyń ishinde aýdıologııalyq skrınıngige – 1 mlrd 711 mln teńge, 5 jasqa deıingi balalardy profılaktıkalyq tekserýge – 621 mln teńge, mektep medıtsınasy sheńberinde profılaktıkalyq tekserýge – 1 mlrd 300 mln teńgege jýyq qarjy qarastyrylǵan.