ShQO-da balabaqshalardy zańsyz teksergen ákimdik qyzmetkeri esh dálelsiz akt toltyrǵan

<p>ÓSKEMEN. KAZINFORM &ndash; Shyǵys Qazaqstan oblysy Shemonaıha aýdanynda 3 balabaqshany zańsyz teksergen ákimdik qyzmetkeri esh dálelsiz akt toltyrǵan.</p>

ShQO Prokýratýrasy baspasóz qyzmetiniń habarlaýynsha, Shemonaıha aýdandyq bilim bólimi basshysynyń mindetin atqarýshy «PR Tex» JShS-ne qarasty 3 balabaqshaǵa zańsyz tekserý júrgizgen.

«Ol balabaqshaǵa balalardyń barý kórsetkishin tekserip, memlekettik tapsyrysqa saı kelmeýge qatysty aktilerdi eshqandaı dálelsiz toltyrǵan. Osy zańsyz árekettiń saldarynan kásip ıesi mektepke deıingi bilim berý qyzmetin memlekettik bilim berý tapsyrysy boıynsha qyzmet kórsetýge shart jasamaı júzege asyrýǵa májbúr boldy», - delingen aqparatta.

Aýdan prokýratýrasynyń qaýlysymen bilim bólimi basshysynyń mindetin atqarýshyǵa QR ÁQBtK-niń 173 babyna sáıkes 186 500 teńge aıyppul salyndy. Al kásipkerdiń quqyǵy qalpyna keltirildi.