ShQO-da balabaqsha kezeginde 24 myńǵa jýyq búldirshin tur
ShQO Bilim basqarmasynyń basshysy Saırangúl Jumadilova bilim salasyna arnalǵan jıynda málim etkendeı, búginde óńir boıynsha 787 mektepke deıingi mekeme bar. Olarda 59 122 bala tárbıelenýde.
«Mektepterde 447 shaǵyn ortalyq jumys isteıdi. Sondaı-aq 11 987 búldirshin eki-úsh saǵattyq 278 shaǵyn ortalyqqa barady. Alaıda, bul balanyń jan-jaqty damýyna múmkindik bermeıdi. Sondyqtan aýdan, qala ákimdikteri qysqa merzimdi ortalyqtardy kúni boıy isteıtin mektepke deıingi mekemege aınaldyrýy kerek», - deıdi ol.
Qazirde oblysta balabaqsha kezeginde 23 846 búldirshin tur. Balabaqsha tapshylyǵy, ásirese Semeı, Óskemen, Rıdder, Altaı, Aıagóz, Zaısan qalalary men Glýbokoe, Ulan, Úrjar jáne Shemonaıha aýdandarynda baıqalady.
«2025 jylǵa deıin barlyq memlekettik balabaqshalar men shaǵyn ortalyqtar erekshe qajettilikteri bar balalardyń bilim alýyna 100% jaǵdaı jasaýy tıis. Ázirge bul kórsetkish 33% quraıdy», - deıdi Saırangúl Jumadilova.