ShQO-da azyq-túlik baǵasyn ósirgen kásipkerler jazalanbaq

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov áleýmettik mańyzy bar taýarlardyń baǵasyn ósirgen kásipkerler jazalanatynyn aıtty, dep habarlaıdy QazAqparat tilshisi.

Óńirde azyq-túlik baǵasynyń qymbattamaýy úshin birqatar sharalar qolǵa alynǵan. Turaqtandyrý qory pavılondaryna taýarlar kóptep jetkizilip, kásipkerlerge túsindirý jumystary júrgizilýde. Bul jaıly oblys ákimdiginde ótken jınalys barysynda málim boldy.

«Búgingi tańda eldiń ońtústik oblystarynan qyryqqabat jetkizýge kelisim-sharttar jasaldy. 200 tonnanyń 75-i «Ertis» ÁKK» AQ-nyń saýda pavılondaryna jetkizilgen. Al qant qory 10 kún saıyn tolyqtyrylyp otyrady. Un jetkizý boıynsha da kelisimder bar. Aldaǵy ýaqytta úı mańyndaǵy dúkenderdi tekserýdi jalǵastyrý qajet», - dedi aımaq basshysy Danıal Ahmetov.

Óz sózinde ol áleýmettik mańyzy bar taýarlardyń baǵasyn ósirgen, sórelerdegi azyq-túliktiń baǵasyn jazyp kórsetpegen kásipkerler jazaǵa tartylatyndyǵyn jetkizdi.

Esterińizge sala ketsek, buǵan deıin Semeıde osy jyly 62 kósheniń joly jóndeletindigin habarlaǵan edik.