ShQO-da áıelin urǵan er adam shaqyrtýǵa kelgen polıtseıdi de taıaqpen soqqyǵa jyqty

<p>Shyǵys Qazaqstan oblysy Zaısan aýdanynda áıelin urǵan er adam shaqyrtýǵa kelgen polıtseıdi de taıaqpen soqqyǵa jyqqan, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Osyǵan baılanysty sot isi aýdandyq sotta qaralǵan. Belgili bolǵandaı, ýchaskelik ınspektor turmystyq zorlyq-zombylyq faktisi boıynsha shaqyrtýǵa barǵan.

Úıge kelgen kezde ishte buryn sottalyp shyqqan 29 jastaǵy azamat pen áıeli boldy. Er adam tártip saqshysynyń zańdy talaptaryna baǵynbaı, qarsylyq kórsetken.

«Sol kezde polıtseı oǵan baǵynbaǵan jaǵdaıda qylmystyq jaýapkershilikke tartylatynyn eskertken. Al ol bolsa qolyna taıaq alyp, quqyq qorǵaý organy qyzmetkeriniń arqasyna jáne basyna soqqy jasady», - delingen sot úkiminde.

Sot sheshimimen aıyptalýshy Qazaqstan Respýblıkasy Qylmystyq kodeksiniń 380-baby 5-bóligine (Bılik ókilin qorqytý nemese kúsh kórsetý) sáıkes kináli dep tanylyp, 6 jylǵa bas bostandyǵynan aıyryldy.