ShQO-da avtobýs júrgizýshileri úsh kúnde 700 ret ereje buzǵan

ÓSKEMEN. QazAqparat – Shyǵys Qazaqstan oblysynda «Avtobýs» jedel-aldyn alý sharasy aıaqtaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 3 kúnniń ishinde ákimshilik quqyq buzýshylyq jasaǵan 700-den astam avtobýs júrgizýshisi anyqtaldy. Onyń ishinde kólik tizgininde telefon paıdalanǵan – 115, mas kúıinde rýlge otyrǵan – 1, manevr jasaý erejelerin buzǵan 120 júrgizýshi ákimshilik jaýapkershilikke tartylǵan.

Sondaı-aq 10 júrgizýshiniń jumys jáne demalys rejımin buzǵandyǵy anyqtaldy. 640 qoǵamdyq kóliktiń jylý jáne elektr jabdyqtarynyń jaı-kúıi tekserildi.

«Avtobýs» jedel-aldyn alý sharasynyń maqsaty – qoǵamdyq kólik júrgizýshileri arasyndaǵy zańbuzýshylyqtardy anyqtaý jáne aldyn alý. Osyndaı sharalar jol-kólik oqıǵalarynyń azaıýyna da yqpal etedi», - dedi ShQO PD bastyǵy Saǵat Mádıev.