ShQO-da aýyl turǵyndary týrızm negizderin oqyp jatyr
ShQO kásipkerlik jáne ındýstrıaldy-ınnovatsııalyq damý basqarmasynyń málimetine súıensek, óńirde týrızm salasyn damytýdyń basty baǵyttary aıqyndaldy.
«Ótken jyly oblysqa 500 myń týrıst keldi. Kórsetilgen qyzmet kólemi aldyńǵy jylmen salystyrǵanda bir jarym esege artyp, 3,4 mlrd teńgeni qurady. Qazirgi ýaqytta óńirde týrızmdi damytýdyń eń perspektıvti baǵyttary – Buqtyrma sý qoımasy men Katonqaraǵaı ulttyq tabıǵı parki bolyp otyr. Sondaı-aq shańǵy tebýge qolaıly Rıdder qalasy men Glýbokoe aýdany da týrısterdiń qyzyǵýshylyǵyn týdyrady», - deıdi basqarma basshysy Ernar Mustafın.
Onyń aıtýynsha, Katonqaraǵaı ulttyq tabıǵı parkinde jalpy uzyndyǵy 680 shaqyrymdy quraıtyn 14 týrıstik marshrýt bar. Aýdanda aýyl týrızmin damytý jolǵa qoıylǵan. Osy maqsatta Berel aýylynyń 24 turǵyny kásipkerlik negizderine oqytyldy.
«Aýdandaǵy 18 kásipker «Eńbek» baǵdarlamasy boıynsha grant aldy. Bul qarajatqa olar demalys bazalaryna jóndeý jumystaryn júrgizip, jańa jıhazdar satyp alǵan. Maýsym aıynda alǵashqy týrısterdi de qabyldaı bastady», - deıdi Ernar Mustafın.