ShQO-da aýyl sharýashylyǵyna quıylǵan ınvestıtsııa kólemi eki esege artty
Oblystyq máslıhattyń kezekti sessııasynda ShQO ákimi Danıal Ahmetov 2021 jylǵy bıýdjettiń oryndalýy týraly aıtyp ótti.
«Óńir boıynsha negizgi kapıtalǵa salynǵan qarjy kólemi 107,3% ósimmen 817,5 mlrd teńgeni qurady. Onyń ishinde qarajattyń 13%-y óńdeý ónerkásibine jumyldyrylǵan. Aýyl sharýashylyǵyna 1,8 ese ósimmen 71 mlrd teńge ınvestıtsııalandy», - dedi ol.
Danıal Ahmetovtyń aıtýynsha, oblysta aýyl sharýashylyǵyn damytýǵa erekshe kóńil bólinýde.
«Agroónerkásiptik keshendi damytýda aıtarlyqtaı nátıjelerge qol jetkizildi. Óndiris qýaty artyp, mal basynyń sany ósip, qosymsha jumys oryndary paıda boldy. Negizgi qorlar jańartylyp, salanyń ınfraqurylymy damýda. 2,8 myń gektar alańda sýarý júıelerin salý boıynsha 5 iri joba iske asyryldy. 7 myń iri qara mal basyna 3 bordaqylaý alańy salynǵan. Sonymen qatar qýaty 300 myń tonnany quraıtyn «QazaqAstyqGroup» maı ekstraktsııalyq zaýyty iske qosyldy», - dedi aımaq basshysy.