ShQO-da «Aýyl - el besigi» baǵdarlamasy aıasynda 100 jańa jumys orny ashyldy
Aımaq basshysy Danıal Ahmetov jumys saparymen Glýbokoe aýdanyna baryp, jergilikti jurtshylyqpen kezdesti.
- Aýdanda «Aýyl - el besigi» baǵdarlamasy boıynsha 6 joba iske asyrylyp, 100 jańa jumys orny ashyldy. Halyqtyń 95 paıyzy sapaly aýyzsýmen qamtamasyz etilgen. Ótken jyly «Birqabatty Shyǵys» baǵdarlamasy aıasynda 6,5 myń sharshy metr turǵyn úı jáne kópbalaly otbasylarǵa arnalǵan 30 úı paıdalanýǵa berildi. Bıyl taǵy 30 úı salynady. Maǵan Praporşıkov jáne joǵarǵy Berezovka aýyldarynyń turǵyndary medıtsınalyq pýnkttiń joqtyǵy týraly aıtty. Qazirgi ýaqytta jobalyq-smetalyq qujattama daıyndaý jáne qurylys máselesi sheshildi, - deıdi oblys ákimi.
Onyń aıtýynsha, aldaǵy ýaqytta Beloýsovka aýylynda 300 oryndyq jańa mektep ashylady.
- Túrik kompanııasymen birlese zamanaýı qazandyq salý jobasy birshama keshiktirilip jatyr. Bul máseleni mindetti túrde sheshemiz. Óıtkeni óz tarapymyzdan barlyq mindettemelerdi oryndadyq, - dedi Danıal Ahmetov.