ShQO-da árbir besinshi azamat MÁMS júıesinde saqtandyrylmaǵan
Bul týraly Áleýmettik medıtsınalyq saqtandyrý qory KEAQ ShQO boıynsha fılıal dırektory Ǵalymjan Ábilov málimdedi.
«Shyǵys Qazaqstanda mindetti medıtsınalyq saqtandyrý júıesin engizýdiń birinshi jyly qorytyndylandy. Qordyń 2020 jylǵa arnalǵan naqtylanǵan bıýdjeti 128 mlrd teńgeden asqan. Bul qarajatqa táýlik boıy statsıonarda 167 myńǵa jýyq patsıent emdeldi, onyń ishinde 315 naýqasqa joǵary tehnologııalyq qyzmet kórsetildi», - dedi ol.
MÁMS júıesin engizýdiń nátıjesinde buryn aqyly bolǵan birqatar qyzmetter tegin ári qoljetimdi bola tústi. Qalpyna keltirý emi, medıtsınalyq ońaltý qyzmetteri jáne qymbat konsýltatsııalyq-dıagnostıkalyq qyzmetterdiń kórsetilý kórsetkishi ósti. Naqty aıtqanda, KT 2019 jyly – 6640, 2020 jyly – 10 552 qyzmet (58,9%-ǵa ósken), MRT 2019 jyly – 4080, byltyr – 6843 (67,8%-ǵa ósken). Sondaı-aq 2020 jyly joǵary tehnologııalyq medıtsınalyq kómekti 315 patsıent aldy. Bul aldyńǵy jylmen salystyrǵanda 59%-ǵa artyq.
«Kardıologııalyq, travmatologııalyq, neırohırýrgııalyq, gınekologııalyq jáne ýrologııalyq syndy 5 baǵyt boıynsha joǵary tehnologııalyq medıtsınalyq kómek qyzmetteri de ósip otyr. ıAǵnı arıtmııaǵa arnalǵan elektrondy blokty ımplantatsııalaý, júrek jáne tamyr otalary, mı tamyrlaryna ota jasaý, karotıd arterııalaryn stentteý, ýretraldy stenoz otalary, jambas, tize revızııasy jáne EKU sııaqty kúrdeli otalar saqtandyrylǵan azamattar úshin aqysyz qoljetimdi boldy. Sonymen qatar ótken jyly Qor fılıaly josparlanǵan medıtsınalyq kómek kólemine ótinim bergen 104 medıtsınalyq uıymmen shart jasady. Onyń ishinde - 42 jekemenshik, 62-memlekettik», - dedi Ǵalymjan Ábilov.
Azamattarǵa yńǵaıly bolý «Qoldau» 247 mobıldi qosymshasy iske qosylǵan.
Onyń kómegimen árbir adam keńes alýǵa, mártebesin tekserýge, shaǵym túsirýge jáne ýaqytsha saqtandyrý mártebesin alýǵa ótinish bildire alady.