ShQO-da alaıaqtar sheneýnikterdiń atynan áleýmettik jelide paraqshalar ashyp jatyr

<p>ÓSKEMEN. KAZINFORM &ndash; Shyǵys Qazaqstan oblysynda alaıaqtar halyqty aldaý úshin túrli ádisterdi qoldanyp jatyr. Endi olar sheneýnikterdiń atynan áleýmettik jelide paraqshalar asha bastady.</p>

Sońǵy ýaqytta áleýmettik jeliler men messendjerlerde ShQO-daǵy ortalyq jáne jergilikti memlekettik mekeme basshylarynyń kómekshileri atynan feık paraqshalar ashyp, túrli syltaýmen kómek kórsetýdi surap, habarlama jiberetinder kóbeıip ketken.

«Olar kóbinese qaryzǵa aqsha surap jatady. Keıde belgili bir máselelerdi sheshý úshin kómektesýdi suraıdy. Osy oraıda halyqty alaıaqtardyń arbaýyna túspeı, osyndaı habarlama alǵan jaǵdaıda quqyq qorǵaý organdaryna habarlasýlaryn suraımyz», - dep habarlady ShQO ákiminiń baspasóz qyzmetinen. 

Eske salsaq, osyǵan deıin Shyǵys Qazaqstanda alaıaqtardyń ózderin kommýnaldyq qyzmetker retinde tanystyryp júrgeni habarlanǵan. 

Sondaı-aq ákki alaıaqtar Prezıdent tapsyrmasymen Shyǵys Qazaqstan oblysyndaǵy Buqtyrma sý qoımasyna salynǵan kópirdi de óz paıdalaryna qoldana bastady.