ShQO-da alaıaqtar ákimdik qyzmetkerleri atynan halyqtan aqsha surap jatyr

<p>ÓSKEMEN. KAZINFORM &ndash; Shyǵys Qazaqstan oblysynda alaıaqtar jelide ákimdik qyzmetkerleri atynan paraqshalar ashyp, halyqtan aqsha surap jatyr.</p>

«Sońǵy ýaqytta áleýmettik jeliler men messendjerlerde ortalyq jáne jergilikti memlekettik mekeme basshylary atynan feık paraqsha ashyp, túrli syltaýmen kómek kórsetýdi surap, habarlama jibergen jaǵdaılar kóbeıip ketti. Olar kóbinese qaryzǵa aqsha surap jatady», - dep habarlady ShQO ákiminiń baspasóz qyzmetinen.

Sondyqtan óńir jurtshylyǵyna barynsha abaı bolý qajettigi eskertildi.

«Osy oraıda alaıaqtardyń arbaýyna túspeýlerińizdi jáne osyndaı habarlama alǵan jaǵdaıda quqyq qorǵaý organdaryna habarlasýlaryńyzdy suraımyz», - delingen aqparatta.

Eske salsaq, osyǵan deıin ShQO-da polıtseıler qylmystyq isterdi ýaqytyly qaramaı, burmalap kelgeni habarlanǵan.