ShQO-da alaıaqqa aldanǵan zeınetker kóliginen aıyryldy

ÓSKEMEN. QazAqparat – Shyǵys Qazaqstan oblysy Altaı aýdanynda alaıaqqa aldanǵan zeınetker kóliginen aıyryldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Altaı aýdandyq polıtsııa bólimine 63 jastaǵy zeınetker júgingen. Óz sózinde ol shilde aıynda «VAZ» markaly avtokóligin jóndep berýge ýáde bergen beıtanys jigittiń osy ýaqytqa deıin kóligin qaıtarmaǵanyn aıtty.

«Osynyń saldarynan jábirlenýshige 600 000 teńge mólsherinde materıaldyq zalal keltirilgen. Jedel-izdestirý sharalaryn júrgizgen polıtsııa qyzmetkerleri kúdiktini ustady. Ol 34 jastaǵy aýdan turǵyny bolyp shyqty», - dep habarlady vedomstvo ókilderi.

Qazirgi ýaqytta atalǵan fakti boıynsha QR QK-niń 190-baby 1-bóligine (Alaıaqtyq) sáıkes sotqa deıingi tergeý amaldary júrgizilýde.