ShQO-da alaıaqqa 20 mln teńgesin bergen er adam aldanyp qaldy

ÓSKEMEN. QazAqparat – Shyǵys Qazaqstan oblysynda sporttyq jabdyqtar almaq bolǵan er adam alaıaqqa 20 mln teńge bergen, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, Óskemen qalasynyń turǵynyn aldap soqqan alaıaq, 20 mln teńge paıda kórgen.

«Úlbi polıtsııa bóliminiń «102» jedel arnasyna JShS dırektory júgingen. Onyń aıtýynsha, ózin áńgimege tartqan beıtanys er adam sporttyq qural-jabdyqtardy satatyndyǵyn aıtty. Buǵan sengen kásipker suraǵan aqshasyn bere salǵan. Alaıda sodan keıin alaıaq habar-osharsyz ketti», - delingen aqparatta.

Jedel-izdestirý sharalaryn júrgizgen polıtsııa qyzmetkerleri 25 jastaǵy qala turǵynyn ustady. Kúdikti óz kinásin moıyndap otyr.

Atalǵan fakti boıynsha QR QK-niń 190-baby 4-bóligine (Alaıaqtyq) sáıkes sotqa deıingi tergeý amaldary júrgizilýde. Ustalǵan azamat ýaqytsha ustaý ızolıatoryna qamaýǵa alyndy.