ShQO-da Abaıdyń 175 jyldyǵyna oraı kórme ashyldy

ÓSKEMEN. QazAqparat - Shyǵys Qazaqstan oblystyq Óner mýzeıinde Abaıdyń 175 jyldyǵyna oraı «Ǵasyrlardy toǵystyrǵan danalyq» atty kórme ashyldy, dep habarlaıdy QazAqparat.

22 qańtar kúni ashylǵan kórmede Qazaqstannyń tanymal qylqalam sheberleriniń Abaı taqyrybynan syr shertetin týyndylary qoıylǵan. Atap aıtsaq, QR Sýretshiler odaǵynyń múshesi Sydyhanov Abdrashıttyń «Abaı Joly. Abaı anasynyń kıiz úıi», ıÝrıı Bakýlınniń «Abaıdyń portreti», Nurbulan Ótepbaevtyń «Abaıdyń portreti», Gúlnar Bekberdınovanyń «Abaı jáne Semeıge oqýǵa kelgen balalary», Mádı Kaıyrhannyń «Bala Abaı», «Kúz» syndy birqatar týyndylar kópshilik nazaryna usynyldy.

«Bul kórmeni uıymdastyrýdaǵy maqsatymyz – Abaı Qunanbaıulynyń shyǵarmashylyǵyn nasıhattaý, uly aqynnyń álemin beıneleý óneri arqyly dáripteý. Mýzeıdiń 2 zalyna jalpy sany 21 kartına qoıylǵan. Kórme naýryz aıynyń ortasyna deıin jalǵasady» deıdi ShQO Óner mýzeıiniń dırektory Bekaıym Uıabaeva.