ShQO-da Abaı mereıtoıyna oraı halyqaralyq plener ótedi
16:14, 10 Aqpan 2020
ÓSKEMEN. QazAqparat – Shyǵys Qazaqstan oblystyq Óner mýzeıi Abaıdyń 175 jyldyǵy aıasynda halyqaralyq plener uıymdastyrmaq, dep habarlaıdy QazAqparat.
«Abaı mereıtoıyna oraı «Biz tanyǵan Abaı» atty halyqaralyq plener ótkizýdi josparlap otyrmyz. Oǵan elimizdiń túkpir-túkpirinen jáne shet memleketterden 20 sýretshi shaqyrylady. Bul sharaǵa belgili fotograftar da qatyspaq. Plenerdiń maqsaty – sýretter arqyly aqynnyń týǵan jerin álem elderine kórsetý», - deıdi mýzeı dırektory Bekaıym Uıabaeva.
Sondaı-aq, halyqaralyq plener aıasynda «Eń úzdik volonter» atty baıqaý uıymdastyrylmaq.
«Osy arqyly jastardy mádenıet salasyna baýlyǵymyz keledi. Saıystyń sharty boıynsha qatysýshylar sýretshilermen birge júrip, Abaı álemin qazaq, aǵylshyn, orys tilderinde tanystyrady», - deıdi Bekaıym Qasymhanqyzy.