ShQO-da Abaı atyndaǵy saıabaq salynbaq
14:31, 23 Qańtar 2020
ÓSKEMEN. QazAqparat - Shyǵys Qazaqstan oblysy Katonqaraǵaı aýdanynda Abaı atyndaǵy saıabaq salynady, dep habarlaıdy QazAqparat.
Bıyl uly aqynnyń 175 jyldyǵy aıasynda Katonqaraǵaı aýdanynda birqatar sharalar qolǵa alynbaq. Sonyń ishindegi eń aýqymdysy – Abaı atyndaǵy saıabaq qurylysy bolyp otyr.
«Qazaqtyń bas aqynyn ulyqtap, óskeleń urpaqqa nasıhattaý maqsatynda Úlken Naryn aýylynda saıabaq salynady. Bul maqsatta 100 mln teńge qarajat qarastyrylǵan» - deıdi Katonqaraǵaı aýdany ákiminiń orynbasary Dosymbek Týmashınov.
Esterińizge sala ketsek, osyǵan deıin elimizde Abaıdyń 175 jyldyq mereıtoıyna qansha qarjy jumsalatyny habarlanǵan bolatyn.