ShQO-da 700 myń teńge qarjy jymqyrǵan mamanǵa 7 mln teńge aıyppul salyndy
Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıgaıdarov málimdedi.
«Shyǵys Qazaqstan oblysyndaǵy sybaılas jemqorlyqqa qarsy qyzmet Úrjar aýdany Qońyrsháýli aýyldyq okrýgi ákiminiń apparaty bas mamany A. Tileýimbetovaǵa qatysty tergeýdi aıaqtady. Ol óziniń kartalyq esepshotyna 743 159 teńge kólemindegi bıýdjet qarajatyn zańsyz aýdardy degen kúdikke ilindi. 2020 jyldyń 24 maýsymynda Tileýmbetovaǵa memlekettik qyzmette qyzmet atqarý quqyǵynan ómir boıyna aıyrý jazasy taǵaıyndaldy jáne 7 431 590 teńge kóleminde aıyppul salyndy», - dedi D. Bıgaıdarov Facebook paraqshasynda ótken onlaın brıfıngte.
Aıta keteıik, Mańǵystaý oblysy Qaraqııa aýdany ákimdiginiń bas esepshisi asa iri mólsherde qarajat jymqyrǵany úshin 7 jylǵa bas bostandyǵynan aıyryldy.