ShQO-da 70-ten astam adam qos azamattyǵy úshin jaýapqa tartyldy

ÓSKEMEN. QazAqparat – Shyǵys Qazaqstan oblysynyń polıtseıleri qos azamattyǵy úshin 70-ten astam adamdy jaýapqa tartty, dep habarlaıdy QazAqparat tilshisi ShQO PD baspasóz qyzmetine silteme jasap.

Mundaı málimetter Shyǵys Qazaqstan oblysy jáne Reseı Federatsııasynyń Altaı aımaǵy polıtseıleriniń shekaramańy yntymaqtastyǵy jónindegi jumys kezdesýinde aıtyldy.

«2019 jyly Altaı aımaǵymen árekettestik yqpaldastyq jáne ózara is-qımyl jospary negizinde júzege asyrylýda. Qazaqstan azamattyǵynan aıyrylǵan, alıment pen qaryzyn tólemegendikten memleketaralyq izdeýge jarııalanǵan tulǵalardyń tizimin toqsan saıyn jiberip otyramyz», - dep atap ótti ShQO PD Kóshi-qon qyzmeti basqarmasynyń basshysy Erbol Bekpaev.

Qazaqstandyq qujattardy paıdalanǵany úshin RF-nyń 74 azamaty jaýapqa tartyldy. Jıyn barysynda kóshi-qon salasyndaǵy seriktestik qana emes, mal men avtokólik urlyǵy, zańsyz esirtki aınalymymen kúres jáne shekara rejimi máseleleri talqylandy.

ShQO PD basshysynyń orynbasary Talǵat Shaıahmetovtiń aıtýynsha, jumys barysymen osyndaı kezdesýler ótkizý shekaralas elderdiń halyqaralyq yntymaqtastyǵyn nyǵaıtýda asa mańyzdy. Kezdesý barysynda kún tártibindegi barlyq suraqtar boıynsha ashyq jáne konstrýktıvti dıalog ótip, tıisti usynymdar pysyqtaldy. Sondaı-aq Reseı Federatsııasy men Qazaqstannyń ishki ister organdarynyń shekaramańy yntymaqtastyǵy aıasynda qylmysqa qarsy birlesken sharalardy belsendi iske asyrý úshin usynystar engizildi.

Avtory Oral Erlanuly