ShQO-da 7 kásipker túzeý mekemelerinde óz bıznesin ashty

ASTANA. QazAqparat - Shyǵys Qazaqstan oblysy prokýrorynyń mindetin atqarýshy Qusaıyn Igembaev Jarma aýdanynda ornalasqan jalpy rejımdegi 3 túzeý mekemesine baryp, sottalǵandardyń kolonııada qalaı eńbek etip jatqanyn tekserdi, dep habarlaıdy «QazAqparat» HAA tilshisi.

ShQO prokýratýrasynyń baspasóz qyzmetiniń málimetinshe, Bas prokýratýranyń «Kolonııalarda jumyspen qamtý - 2017» jobasyn júzege asyrý aıasynda qadaǵalaý organy jáne Jarma aýdany KAJ-nyń mekeme ákimshiliginiń qoldaýymen 7 jeke kásipker túzeý mekemelerinde óz bıznesin ashqan. Túzeý mekemelerinde kirpish, temirden jasalǵan buıymdar, qurylys armatýrasy óndirilip, shaǵyn ferma jumys atqarady. Osynyń nátıjesinde 250 adam jumyspen qamtylyp, túzeý mekemelerinde jalaqy alyp otyr.

Budan basqa Qusaıyn Abzalbekuly kolonııada kezekshi prokýrordyń jumysymen tanysyp, sottalǵandarmen qabyldaý júrgizgen. Qabyldaý barysynda sottalǵandar óz problemalarymen bólisip, qadaǵalaý organy olardyń barlyq aryzdaryna jedel yqpal etetinine alǵys bildirdi.

Jalpy, ShQO-da sottalǵandarmen jumys keıingi jyldary bir jolǵa qoıylyp keledi. Eki aı buryn oblys prokýratýrasy úlgili tártip kórsetip júrgen sottalǵan adamdardy týystarymen onlaın-kezdesý uıymdastyrǵan bolatyn.