ShQO-da 60-qa jýyq adamdy kene shaqty

<p>ÓSKEMEN. KAZINFORM &ndash; Shyǵys Qazaqstan oblysynda 60-qa jýyq adamdy kene shaqty. Oblys boıynsha keneden zardap shegip medıtsınalyq kómekke júgingender sany 58 adamdy qurap otyr. Onyń ishinde 14 jasqa deıingi bala sany &ndash; 34,5%. Ótken jyldyń osy kezeńimen salystyrǵanda bıyl kene shaqqandar sany 6 adamǵa azaıǵan.</p>

«Aýrýdyń aldyn alý maqsatynda keneden zardap shekken 56 adam ımmýnoglobýlın aldy. Al 2 azamat endemııalyq aýmaqqa jatpaıtyn eldi mekende kene shaǵýyna baılanysty seroprofılaktıkamen qamtylmaǵan. Sáýir aıy bastalǵaly óńir aýmaǵynda kene ınfektsııalarymen aýyrý jaǵdaılary tirkelgen joq. Kóp jyldyq epıdemıologııalyq taldaý nátıjeleri kórsetkendeı, ShQO-da aýrýdyń alǵashqy jaǵdaılary mamyr aıynda tirkeledi», - deıdi ShQO Sanıtarııalyq-epıdemıologııalyq baqylaý departamentiniń basshysy Qanat Turdıev.

Qazirgi ýaqytta endemııalyq aýmaqtardyń medıtsınalyq uıymdarynda kene shaǵýdan zardap shekken adamdarǵa aýrýdyń aldyn alý maqsatynda qoldanylatyn ımmýnoglobýlın preparatynyń qory jetkilikti mólsherde.

Shyǵys Qazaqstan oblysy boıynsha kene entsefalıtiniń tabıǵı oshaǵy – Glýbokoe, Zaısan, Altaı, Katonqaraǵaı, Samar, Ulan, Shemonaıha aýdandary men Rıdder, Óskemen qalalarynda.