ShQO-da 508,8 myń gektar jaıylym men egistik jer paıdalanylmaı bos jatyr
ShQO Jer resýrstaryn basqarý departamentiniń málimetine súıensek, óńirde bıyl qurylys maqsatyndaǵy jerlerdi uzaq ýaqyt paıdalanbaýǵa qatysty 36 jospardan tys tekserý júrgizildi.
Sonyń nátıjesinde, jer zańnamasyn buzýdyń 83 faktisi anyqtalyp, 1 jyl ishinde buzýshylyqtardy joıý týraly 36 nusqama berildi. Nusqama oryndalmaǵan jaǵdaıda QR Jer kodeksiniń 94-babyna sáıkes departament menshik ıelerinen jerdi májbúrlep alyp qoıý týraly sotqa talap-aryz joldaıdy.
«Budan bólek, jer ýchaskelerin nysanaly maqsatyna saı emes paıdalaný máselesi boıynsha 34 tekserý júrgizildi. Barlyǵy 8 buzýshylyq tirkelip, jer ıeleri ákimshilik jaýapkershilikke tartyldy. «Qazaqstan Ǵarysh Sapary «UK» AQ derekteri negizinde ǵarysh arqyly profılaktıkalyq baqylaý júrgizilýde. Búginde oblys aýmaǵynda jalpy aýdany 508,8 myń gektar jaıylym men egistik jer paıdalanylmaı bos jatyr. Soǵan baılanysty 2 755 jer paıdalanýshyǵa jer zańnamasynyń talaptaryn buzýshylyqtardy bir jyldyń ishinde joıý týraly nusqaý joldandy. Baqylaýdyń bul túri profılaktıkalyq bolyp sanalady. ıAǵnı, ákimshilik sanktsııalar qoldanylmaıdy», - delingen aqparatta.
Qazirgi ýaqytta paıdalanylmaı bos jatqan 7,4 myń gektar jer memleket menshigine qaıtarylǵan.