ShQO-da 42 myńnan astam adam Pfizer vaktsınasyn saldyrdy
ShQO Densaýlyq saqtaý basqarmasynyń málimetine súıensek, óńir boıynsha amerıkalyq Pfizer ekpesimen vaktsınalaý naýqany qarqyndy júrip jatyr. Búgingi tańda jalpy sany 42 myńnan astam adam atalǵan vaktsınany saldyrǵan. Onyń ishinde basym bóligi – 12-18 jas aralyǵyndaǵy balalar.
Balasyna ekpe saldyrýǵa kelisim berip jatqandardyń arasynda medıtsınalyq mekeme basshylary da bar. Sonyń biri – ShQO Ftızıopýlmonologııa ortalyǵynyń bas dárigeri Raıfa Safıollınova.
«Pfizer vaktsınasy senimdi. Sondyqtan qyzym Nazerkege oılanbastan saldyrýǵa ruqsatymdy birdim», - dedi ol.
15 jastaǵy Nazerke Maratqyzy basqa balalarǵa ekpe alýdan qoryqpaý úshin úlgi bolatynyna senimdi.
«Dárigerdiń qyzy retinde densaýlyqtyń mańyzdylyǵyn, ózimdi jáne otbasymdy qorǵaý tek óz qolymda ekenin jaqsy túsinemin. Pfizer ekpesi týraly kóp oqyp, ony alǵan adamdardyń pikirlerin estidim. Onyń ishinde qurbylarym men dostarym da bar. Anammen de aqyldastym. Sóıtip, ekpe saldyrýǵa sheshim qabyldadym», - deıdi ol.